| 📞 (+257) 22 226 935 | ✉️ communication@lona.gov.bi | 🏛️ Autorité de régulation des jeux de hasard |
| LONA LOTERIE NATIONALE DU BURUNDI
⭐ "Ensemble, construisons l'avenir" 1985
|
Kuri uno wa 26 ruheshi, ishirahamwe Loterie Nationale Burundi (LONA) ryaramutse ritunganya ikiganiro ku banditsi n'abamenyeshamakuru kugira ngo ryibutse abo vyega bose ko ugukina canke gukinisha inkino zo guhiganisha imigisha hatisunzwe amategeko bihungabanya ubutunzi bw'igihugu mbere n'ibihano ruhasha bishobora nogufatwa kubiciye amatwi.
Ubuyobozi bwa LONA bukaba bwamenyesheje ko hamaze kwibonekeza abamaze imisi bakinisha be nizo nkino ataruhusha rw'urwego rwa Reta rubijejwe arirwo LONA.
Umuyobozi ajejwe ivy'uhudandaji, Ndoricimpa Felicien, yashikirije ko be n'ivyo bikorwa bihungabanya ubutunzi bw'igihugu bikanatuma abakorera muri ico gisata badakorera m'ubungane ( Concurrence Déloyale), bigaheza bigasubiza inyuma iterambere ry'ishirahamwe LONA mbere n'igisata co guhigajisha imigisha muri rusangi.
Ivyo rero bigatuma bamwe muribo bunguka umurengera batariha ikori mugihe abandi bagerageza gukorera m'umuco kugira ngo ikigega ca Reta kironke uburyo bwo kurangura imigambi y'igihugu basigara bipfumbereje.
Ishirahamwe LONA rigahamagarira rero uwo wese ari mu gisata co guhiganisha imigisha ngo yisunge amategeko mu bikorwa vyabo kuva uwu musi.
Uwuzokwica amatwi rero akazohanwa vy'akarorero, mbere agashobora nokwirukanwa burundu kw'isoko ry'iyo mikino mu Burundi.
Ku mashirahamwe nayo akora mu gisata co guhanahana amafaranga, ishirahamwe LONA ryayahamagariye kudasubira kuja anyegeza ibiharuro vyaciye m'ubuhinga bwabo kugira ngo bavavanure n'iyo ngendo yo gufashanya n'abihaye gusahura itunga ry'igihugu, kukwo amategeko n'ibihano bijana navyo bitomoye.
Ico kiganiro kikaba casozerewe abacitabiriye banyuzwe n'ivyashikirijwe.
